Shafei Jumeen PDF Print E-mail
Written by Administrator   
Thursday, 22 April 2010 20:59

بسم الله الرحمن الرحيم

Mo glorifier Allaah , mo demande li so aide , so pardon et so protection , et mo remercié li pour faveur qui li pe faire lors moi qui mo pé reussi faire éne mise au point suite a l’article qui fine publié lors journal ‘Le Defi Plus’ du samedi 27 Mars 2010 et lors ‘Le Journal du Samedi’ de 3 Avril 2010.

Moi , fr. Shafei Jumeen , mo tenir a apporte quelques précisions qui mo esperer Insha Allah pou eclaircir certaines zones d’ombre.

1.    D’abord mo tenir en toute humilité a m’excuser auprès de mo bans frères et sœurs musulmans qui certainement fine senti zotte blessés ou humiliés a cause de moi par ceki finne publier dans sa deux journals la. Mais mo rappelle zotte qui après tous mo éne humain malgré mo statut de Imam. Alors mo reconnaitre mo erreur et mo repentir pou ca auprès Allah, Celui qui mo garde grand l’espoir dans Li  ki  Li pou pardonne moi et gagne pitié pou moi.

 

2.    Mo prend Allah comme témoin et mo faire serment lors So Nom Sacré qui ceki mo finne faire , li pas ti du tout intentionnel ni avec propre connaissance.

3.    En tant qui Imam mo pas fine trouve raison pou éna la moindre mauvaise pensée lors éne muswalli qui ti éne figure très connue pou ban travail sociale, quand li fine approche moi pou demande moi pou pose mo signature lors éne forme qui li fine amené et qui li fine dire moi li pé rende éne so famille ki veuve éne service, li pé faire démarche éne pension pou li. Jamais a aucaine moment li pas fine mentionne avec moi qui c’était éne certificat marriage qui li ti pé ouler faire moi certifié. Dans sa moment la , mo exces de confiance dans sa muswalli la pas finne permettre moi pou même lire forme la pou prend connaissance de quoi s’agit-il. Li ti déjà fini rempli forme la alors li ti simplement demande moi pou pose mo signature dessus. Donc , mo ti vraiment ignorant complètement de mauvaise intention qui la personne ti éna. Alors li finne trahir mo confiance.

 

4.    Mo pou donne zot entièrement raison pou condamne moi pou exces de confiance qui mo finne place dans le muswalli. Mais mo tenir a engage juste moi et NON PAS mo Masjid et ni L’organisation Al Huda Wan Noor pou ceki finne arrivé.

 

5.    Permettre moi, chers frères et sœurs informe zotte qui depuis ki mo fine être enregistré comme Imam officiellement et mo fine gagne le droit pou pose mo signature lors ban certificats marriage et passports, juska zordi jamais mo fine prend cinq sous avec kikene, Allah témoin.

 

6.    Si Allah Subhanu Wa Ta’aalaa fine servi moi comme exemple pou averti les autres , mo réjouir de So decision et mo accepter li . La Mo pou certainement saisi l’occasion pou faire ene appel a tous mo bans frères imams qui zotte tire lecon de ceki finne passer lor moi. Qui zotte réflechi 10 fois 15 fois avant ki zotte pose signature lors n’importe ki papier ki n’importe ki muswalli amène avec zotte pou signer.

 

7.    Pou terminer mo tenir a rappel ban qui finne permettre zotte blâme moi juste par ceki zotte finne lire a travers journal , mo juste demande zotte refere zotte a parole Allah (S49 V06 )

يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِين

Oh ban ki fine amene Imaan , Si ene Faasiq vine vers zotte avec ene nouvel ( information) alors confirme li (verifier li)…..